鄧萃雯（雯女）、可嵐及劉美娟、張崇德夫婦等，今日喺沙田出席童裝店開幕活動，一身紅噹噹充滿聖誕氣氛打扮嘅雯女，透露已經開始聖誕聚會：「要逐個朋友約，唔想霸住人哋24、25號。元旦同屋企人去旅行。」至於佢嘅感情狀況？雯女話：「拍拖可有可冇，一個人都開心，諗緊點樣可以兩個人比一個人更開心。以前唔去婚宴，o依家會盡量出席活動，朋友都叫我出去食飯識吓朋友，不過我嘅性格好內向，有人多恐懼症，去婚宴同台慶都驚多人，要戒咗呢樣嘢先。」

雯女又自爆最近參加咗學習EQ（情緒商數）課程，佢坦言：「想提升EQ，IQ幾叻都好，控制唔到情緒會破懷晒所有嘢。」