「永不言退」嘅全國人大常委范徐麗泰，今早出席一個電台節目時，又有嘢講喇。佢質疑今次係有一啲別有用心嘅人幕後動用資源同財力、「利用」年輕人繼續留守，唔排除有外國勢力插手。又話：「其他民主你唔要，淨係你要嗰種嘅民主，其實係一種民主嘅獨裁。」論調同禿鷹嗰句「你嘅良心同我嘅良心都唔一樣」互相呼應。仲有就係話，人大常委嘅決定係經過深思熟慮。仍是老調重彈。(新聞連結: http://bit.ly/113Fl2Q )

好喇，又係時候由校長——春田花花幼稚園校長黎根發表回應。不過今次呢個有聲post係代表黃秋生本人嘅個人立場。黃秋生寫道:「范太，無論有冇人背後指學生或前面指使學生，别有用心(當然范太又講唔出乜嘢用心啦)或别無用心，市民嘅用心只有一個，就係爭取真正嘅普選。

「又，海人報(此乃學習不知所謂嘅簡化用詞)話學生會因此失去向流動機會，學生向上流動係將來嘅事，若因此失去機會只有一種可能，就係政府記名打壓，秋後算帳，陰險迫害。若無此事，一個自由健全社會，每個人都可以憑藉自己努力，力爭上游。但係呢啲嘢，你哋識條毛咩！」之後他再出po寫道:「我有一聯對，二十年前寫嘅，求横批。海上無魚蝦仔大山中無老虎馬騮屎忽稱大王。人間多無恥之徒鬼域多妖怪吹牛放屁打横行。」

秋生又話：「用佢哋嘅農民思維講，佢哋可能容易消化啲，有個農民，一直以來養開豬呀狗呀牛呀咁，忽然有日農塲入面出現咗一隻河馬象長頸鹿，佢都唔知係乜，唔知點算好，只可以周圍同人講，有陰毛，有陰毛(鄉音)。」、「佢哋就真係有人背後指使嘞，佢哋每個月都有人指使，有糧出。」

係咪呢？真係有聲post嚟0架！

一點分享：(特別獻給經常擔心學生被別有用心者利用的你)
「給爸媽的信」fb群組
http://on.fb.me/1yY50JB