2017年私樓施工量較2016年大跌33.3%，意味著未來數年的私樓供應量有所下跌，在供應量減少的情況下，對本港樓價是否有影響？中文大學劉佐德全球經濟及金融研究所常務所長莊太量認為施工量一直都有升有跌，不過樓價就一直上升，樓價不會受私樓落成量、供應量、乃至土地買賣等數量增加而有所影響，因為「發展商無可能喺經濟咁好的情況之下，平價、平過成本賣樓。」

他指，「今年經濟向好，跌的機會細，下年會有機會調整，原因喺早前向發展商借高成數按揭的買家，可能供唔起，令市場有震盪，但都唔會影響最基本的原因，就喺香港經濟向好，而土地或者樓宇政策扭曲左市場價格，改變唔到，(未來樓價)可能升一升，調一調，但係(令)樓市大跌喺難，唔會大跌5至6成低過深圳(樓價)。」

對於今年樓價走勢，他估計今年最基本升5%至10%，「樓價會再升，市民要改變思維，唔好等樓價升樓價跌再買，因為已經唔喺周期的問題，係一個結構性的改變，樓宇(價格)會一直在高位上落。」

蘋果財經，關心你飯碗
http://fb.com/appledailyatm