美國影藝學院噚日公佈奧斯卡終身成就獎（Governors Awards）得主，包括有加拿大老戲骨當奴修打蘭（Donald Sutherland）、法國「新浪潮之母」艾麗絲華妲（Agnes Varda）、73歲非裔獨立電影導演Charles Burnett及89歲《驅魔人》（The Exorcist）攝影師Owen Roizman，符合奧斯卡近來追求「多元性」嘅宗旨。終身成就獎將於今年11月11日舉行頒獎，美國影藝學院主席表示：「今年嘅榮譽獎反映出國際、獨立以及主流電影製作嘅闊度，我哋向呢4位偉大嘅藝術家致敬，佢哋噸成就展現出我們共有嘅人性多樣化。」

「新浪潮之母」艾麗絲華妲曾以《天涯是我家》（Vagabond）獲威尼斯金獅獎肯定，亦曾獲康城榮譽金棕櫚獎，係法國電影嘅女性先驅。當奴修打蘭曾於《飢餓遊戲》中飾演獨裁者總統，佢今年同金獎影后海倫美雲（Helen Mirren）合作威尼斯競賽片《The Leisure Seeker》，日前剛攜手出席紅毯。