醜聞滿天飛嘅特首小圈子選舉,睇到唔少市民眼火爆,民主黨立法會議員涂謹申雖然有珍貴一票,但都好鬼㷫,日前慶祝49歲生日時,就特別買咗個AngryBird蛋糕「贈興」。但八方睇見做咗老竇嘅佢依偎喺太座阿Sue身旁嘅一副冧樣,覺得佢唔多似AngryTo喎!
今年有乜生日願望?相信除咗係阿囝快高長大,當然係年底立法會選舉啦。早前佢獲黨內推薦參選「超級區議員」,其實仲未有最後定案;雖然係有好多兄弟希望佢喺超級戰場披甲,但據聞九龍西嘅戰友,就繼續游說佢留守地區直選嘅戰場。
正所謂「左手係肉、手背又係肉」,阿涂真係好難抉擇呀!