【7千張相冇晒】周柏豪8月前清空IG 凌晨復活貼生日蛋糕相
蘋果日報 2019/11/11 17:52
周柏豪黃心穎復活IG
- 柏豪7月叫人登記做選民，到8月凌晨起刪IG相，一直刪到下午2點。
- 今日他貼出蛋糕相，相隔兩個月，IG終於正式復活。
- 他呼籲一如以往不收禮物，可以將錢捐去其他機構。
- 其實上星期四，他曾在story上貼出盆栽相。
黃心穎自「安心偷食」事件後，昨日終於上水，在Ig上訴心聲感激《牛下》可以原版本播出，並換上新頭像示人，似乎為復出鋪路。可能最近興「復活」，近日亦有一位藝人Ig悄悄翻生。
7月時曾呼籲香港人登記做選民的周柏豪，被大陸人攻擊成「港獨豪」，更被大陸音樂節除名、歌曲被大陸音樂平台下架。到8月9日，柏豪粒聲唔出，在深夜起將Ig相逐張逐張刪除，直至將7,000張相完全清空，但微博賬號就保住命仔未有刪相。柏豪其後幾次出席宣傳活動，皆合十示意不接受訪問，極度低調。
柏豪明日踏入35歲，他今日凌晨貼上一張蛋糕相，留言：「感謝大家的祝福，但請不要送甚麼禮物，蛋糕也不用了。如果可以的話，就像以前一樣，將金錢捐助有需要的人或機構，這就能讓我很快樂了 。」並以一個笑臉作結，低下留言相當清一色，全部都是祝福他生日快樂，當中包括黃翠如、張繼聰。
柏豪Ig復活早幾日已有先兆，上星期四他曾在story上貼出盆栽相，未知用意。