上月有一名亞視女優因隨老闆返深圳公幹，其間疑遭強姦，該名受害者回港後即向警方報案，消息傳出，令人關注。記者日前特別邀請亞視《超級經理人——女優選拔賽》亞軍得主黃敏燁，及「陽光活力女優獎」得主仲春菲結伴往深圳，示範如何在安全的情況下遊深圳的貼士。

避免蒲夜店
仲春菲說：「平時我喺香港都少去娛樂場所，喺深圳就更加唔會去遊戲機中心或者的士高消遣啦！」

小心扒手
仲春菲說：「基本上過羅湖橋只要跟住向前行就冇問題，但唯一要小心銀包同證件，我聽講有好多扒手趁混亂行事。」

勿亂上的士
黃敏燁說：「我覺得踏出咗深圳聯檢大樓個門口就冇咁安全，尤其我要提醒大家，千祈咪乘搭街上司機兜搭嘅車，盡量去大樓內嘅的士站搭的士。」

必食鍋燜雞
黃敏燁說：「我每次嚟深圳，都必食喺振江路呢間漓江又一軒酒家，專食桂林菜，我誠意介紹佢哋嘅特色菜鍋燜雞，用個鍋炒吓炒吓，幾得意同好好味，都好大份，價錢亦十分抵。」