韓國影壇盛事「第54屆大鐘獎頒獎禮」後日舉行，去年大鐘獎就星光黯淡，搞到大家都擔心今屆同樣冇乜大星撐場。

而根據韓國傳媒報道，五位入圍爭影帝嘅演員，包括《逆權司機》宋康昊、《朴烈》李帝勳、《The King》趙寅成、《不汗黨：壞傢伙們的世界》薛景求及《監獄》韓石圭，韓石圭同李帝勳都因為有電影拍攝及出席海外電影節而表示缺席頒獎禮，而趙寅成同薛景求就落實出席，至於影帝大熱宋康昊就暫時未確定是否出席，但出席嘅可能性就相當之高。

至於影后方面，除咗《朴烈》嘅崔文慶未確定之外，其餘四位入圍爭影后嘅《Missing：消失的女子》孔孝真、《惡女》金玉彬、《萇山虎》廉晶雅及《某一天》千玗嬉都透過事務所表示因工作行程而唔會出席大鐘獎，到時可能僅得崔文慶一人現身，非常冷清。