荷李活影星尊尼狄普（JohnnyDepp）日前被妻子安芭赫德（AmberHeard）單方面申請離婚，結束15個月婚姻，安芭上星期五（27日）出庭指控被尊尼家暴，於庭上展示瘀傷，離去時更喺車上痛哭，令人我見猶憐。

不過事隔一日，安芭於洛杉磯與佢嘅法律團隊見面，傾咗足足4個鐘。素顏嘅安芭離開時心情超靚，攬住一個女性朋友，邊行邊大笑，笑到見牙唔見眼，同前一日係完全兩個樣。
有網民指出，平常家暴受害者要過一段時間才可走出陰霾，冇乜可能24個小時就笑晒口，安芭未免太快回復？

尊尼方面，佢嘅律師團隊指安芭嘅證供疑點重重，而其家人紛紛挺身而出支持尊尼，繼首任妻子及上任女友VanessaParadis出聲力撐尊尼人品後，尊尼嘅女兒LilyRose亦於instagram貼上與父親合照，指父親是最貼心、最有愛的人，是她與弟弟的好爸爸。