韋斯咸自從由新領隊莫耶斯上任後，成績逐步回穩，上周六更加爆冷贏左車路士，不過仍然停留係降班區域。所以，為左護級成功，莫天才揚言來年一月冬季轉會窗開返個陣，有意簽入係阿仙奴已經失寵嘅牛奶仔韋舒亞。

莫耶斯認為韋舒亞嘅踢法相當適合韋斯咸，能夠帶領球隊成功護級。最緊要，當然睇中佢嘅合約係下年夏天完結，阿仙奴會平賣免人財兩失。其實唔止牛奶仔，唔少為阿仙奴出戰歐霸嘅「B隊」球員，表現都備受讚賞，例如周日英超阿仙奴追和嘅功臣基奧特，歐霸盃經常入波嘅禾確特，都係唔少英超球隊嘅目標。

----------
球迷一定要知！英超一哥曼城，已經登陸『BFB』！登入即送藍月球星： http://bit.ly/2AAiPDS