美國巨肺天后瑪麗嘉兒（MariahCarey）日前上咗美國清談節目《LivewithKelly!》受訪，當日兩位瑪麗同兩位主持都齊齊着咗睡衣現身，兩位主持着長袖長褲嘅睡衣，不過作為天后嘅瑪麗又點會咁普通？

瑪麗穿上性感絲質低胸短裙睡衣登場，襯埋對高踭鞋，一出場成為觀眾焦點，企喺最前排嘅伯伯粉絲一邊拎住電話影瑪麗，一邊金睛火眼注視住佢，仲不自覺O咗嘴，証明瑪麗嘅吸引力好大！

瑪麗喺訪問時被問同未婚夫JamesPacker婚禮準備成點？佢話有好多嘢都仲搞緊，唔方便透露，不過就唔會大搞。