「我先生為人真係好好,佢好錫個仔,係性格比較內向啲。𠵱家個仔都唔知爸爸唔喺度,亦都冇問爸爸去咗邊。」阿梅泣訴。原本在室內活蹦亂跳的四歲鋒仔甫見母親流淚,頓時乖乖地站在旁邊,不敢張聲。
月入僅足餬口
阿梅與丈夫阿球十年前在內地結婚,婚後數年誕下兒子鋒仔。阿梅表示,鋒仔已於○一年獲發單程證來港,為免一家三口相隔兩地,她大部份時間持雙程證留港照顧丈夫及兒子。阿球原本任職廚師,去年沙士一疫,飲食業大受衝擊,其任職的食肆結業,此後他未能再找回廚師工作。然而,為了養活妻兒,阿球積極「轉型」,修讀保安員再培訓課程,並成功獲聘,薪金雖較以往少了三分一,且要每天工作十二小時,但他沒有半點怨言。
本月六日清晨,阿球如常在火炭火車站附近橫過馬路上班,豈料期間突遭一輛貨車撞倒,當場重傷昏迷,送院搶救後不治。
「發生事嗰時我啱啱喺內地辦完雙程證續期,過緊關返嚟香港,收到屋企人嘅手提電話留言,只係話我先生俾車撞倒……」阿梅回港後才驚悉丈夫已傷重身亡。「我同個仔以後都唔知點打算,我呢幾日都瞓唔着覺,嘢又食唔落,個腦一片空白,完全諗唔到嘢。」三十三歲的阿梅哭道。