岳少、星爺都撐唐唐，可見呢隻豬喺演藝界有唔少支持者。唐豬飲紅酒嘅品味唔錯，唔知佢對港產片嘅口味又如何呢？呢個問題，或者可以從佢今日同電影業界新生代訪談嘅嘉賓名單中，見到端倪。
唐豬今日會一口氣同六位電影人對談，最重口味嘅，相信係蕭定一同孫立基，兩人成名作係《3D肉蒲團》一個係監製，一個係導演。嗱！唐豬你同人對談，事前都應該要做吓功課，睇吓人哋嘅戲，咁先會有話題喎！另一位嘉賓係葉念琛，最近套《婚前試愛》咁收得，唔知佢見完唐豬後，會唔會有靈感拍番套《婚後缺失》呢？其他講者仲包括宇宙最強嘅甄子丹、田雞田啟文，同埋執導過機動部隊系列嘅羅永昌導演。