翁靜晶20歲就嫁畀劉家良，與大女萬儀年紀只差23歲，翁靜晶話在劉師眼中佢都係一個長不大嘅小朋友。翁靜晶笑笑口話﹕「我當咗兩個(女)好似我個妹，好鍾意整蠱佢哋，會將啲臘鴨追住佢哋嚟嚇，我婆婆就話係小朋友生小朋友，佢哋係Buddy，哈哈。」萬儀矋住媽媽﹕「唔係追，你係貼我哋塊面度。」

翁靜晶喜歡用非常手法教女，女兒3、4歲就會同佢哋講恐佈漫畫《多多里復仇日記》
，佢解釋﹕「我本身好鍾意玩鬼屋、睇鬼片，以前會帶佢哋去虎豹別墅，入面有十八層地獄嗰啲鬼呀、勾脷筋呀嗰啲，我想通過呢啲教育，話畀佢哋知善惡終有報，唔好做壞事。咁我兩個女個膽就好大，唔希望佢哋好似一般女仔咁易驚。」囡囡又反駁﹕「咁現實世界有咩作用呢？」

你一言我一語，足見母女感情深厚。但講到讀書，翁靜晶就似乎沒有退讓半步，萬儀話﹕「我會覺得佢太嚴，讀書嘅時候會有啲拗撬，佢教嘅方式同我人生睇法唔同，o依家睇番都覺得佢好嚴。」萬儀坦言細個最想讀Art同哲學，翁靜晶理直氣壯咁話﹕「我冇乜點迫佢哋讀書，反而我會講『你哋點讀都唔夠我叻』，總之留學唔用我啲錢就乜都得，你用我啲就我揀囉。」最終兩個女都係法律系畢業，細女幸儀做過一輪健身教練後，因為搵唔到錢，最終要向現實低頭，最近在英國做律師相關行業工作。反而感情事，翁靜晶比較開通，只係希望佢哋開心。

問到兩個女似爸爸多啲？定媽媽多啲？翁靜晶笑話﹕「佢哋都比較老實，我精靈啲，同埋佢哋有樣嘢好，佢哋全部唔會追求名牌，呢個比較似我多啲，因為劉師傅都鍾意靚車錶呢啲嘢。」縱然性格各有不同，但一家人似乎都有共通點，就係對惡勢力永不退縮。會否叫媽媽唔好再理佛門事？萬儀話﹕「唔會，一定唔會，因為佢係為正義，我係十分支持，如果勸佢唔好做，佢都唔會聽我講。」翁靜晶答﹕「係呀！我都五十幾歲，死就一世唔死就半世，唯一就係話會唔會連累到屋企人呢？我就咁諗嘅，如果我生你係一個仔，國家需要打仗，我會為我個仔嘅死亡而光榮，因為佢係為咗國家去犧牲。我o依家做呢件事亦都係有一定危險，但如果我都唔去做嘅話，我哋保衛唔到我哋香港，如果需要犧牲我同我家人嘅話，我哋都光榮犧牲。」

不過，萬儀都好關心媽咪健康，勸佢要做多啲運動，佢話﹕「我想佢長命啲，因為咗好多時間嚟養我哋一家人，我希望佢有好多時間可以享受自己嘅開心時期。」

記者：嵐山、馮國康、倩宜
攝錄：馮峰、卓振輝
攝影：陳俊強

【俠味道．翁靜晶（18）】從演員踏上律師之路 翁靜晶只求公義不求財
http://bit.ly/2k95b0I
【俠味道‧翁靜晶(17)】 香港五十年不變終會過去 翁靜晶感歎：無可避免
http://bit.ly/2k9e8Hp
【俠味道‧翁靜晶(16)】「中共統戰部」恫嚇翁靜晶 撻朵都撻錯
http://bit.ly/2BIDoLS
【俠味道‧翁靜晶(15)】仗義每多屠狗輩 市民自發眾籌幫手打官司
http://bit.ly/2BfYXa8
【俠味道‧翁靜晶(14)】單挑定慧寺惡尼 佛門個個自保：你信佛咪搞咁多嘢
http://bit.ly/2jqUg2J
【俠味道‧翁靜晶(13)】對梁振英完全改觀 翁靜晶歎權貴為錢噤聲：唔想得罪人
http://bit.ly/2kxF7A0
【俠味道‧翁靜晶(12)】細訴與陳百強關係 難忘對方教Table manner
http://bit.ly/2BF7e3M
【俠味道‧翁靜晶(11)】寄張相就做咗演員 翁靜晶：從來唔覺得自己靚
http://bit.ly/2imvrEf
【俠味道‧翁靜晶(10)】拉埋細佬賣汽水維生 翁靜晶：有腦㗎嘛！
http://bit.ly/2AuwuMU
【俠味道‧翁靜晶(9)】《喝采》擔正有段故 翁靜晶讚哥哥係天才
http://bit.ly/2iVyB5V
【俠味道‧翁靜晶(8)】母親錫晒孻仔 翁靜晶14歲離家出走：你打死我啦！
http://bit.ly/2A3xPeg
【俠味道‧翁靜晶(7)】父母離異 翁靜晶9歲入貴族學校寄宿受虐：成身皮膚爛晒
http://bit.ly/2zO7sVT
【俠味道‧翁靜晶(6)】越南出世 翁靜晶點樣「攝罅」成為「香港人」？
http://bit.ly/2BxxcGd
【俠味道‧翁靜晶(5)】悲慘童年練就堅強個性 翁靜晶親述被虐經過
http://bit.ly/2zLBObq
【俠味道‧翁靜晶(4)】翁靜晶 劉家良戲假情真 張國榮原來係月老
http://bit.ly/2kkwDw3
【俠味道‧翁靜晶(3)】浪漫等如浪費 劉家良餵包餵到翁靜晶反面？
http://bit.ly/2kiuroY
【俠味道‧翁靜晶(2)】明知劉家良已有家室 翁靜晶：以前嘅社會好唔同
http://bit.ly/2jbxufo
【俠味道‧翁靜晶(1)】恩愛三十載之謎 翁靜晶點解叫劉師傅做細B？
http://bit.ly/2AnvNoz

更多娛聞，喺晒《娛果》
http://fb.com/appledailyent