【媲美簡炳墀?】羅富全勢做18年後 本地馬圈第一華人?
簡炳墀香港打吡大賽羅富全實業先鋒妙算達人添滿意達龍駒
話咁快,今季四歲馬王者之戰香港打吡大賽,將喺3月17日舉行,唔太熟馬嘅讀者,可能會奇怪外國打吡明明跑三歲,但點解香港打吡跑四歲呢?
因為香港冇育馬業關係,所以全部賽駒一律要靠外地進口。基於地球南北半球嘅季節係相反,所以赤道以上嘅北半球馬,每年1月先計大一歲。
而赤道以下嘅南半球馬,則相反每年8月先加一歲,所以南北半球馬匹,喺年齡計算方面會有半年差別。為咗令佢哋有多啲時間準備,所以香港打吡限四歲馬角逐。
今屆賽事不論練馬師、騎師都好,可能都係華人最接近贏到嘅一屆。事關開倉只有短短兩季嘅羅富全,已經分別憑「添滿意」及「妙算達人」連勝四歲馬系列頭兩關香港經典一哩賽及香港經典盃。
羅富全說:「首先都要多謝馬主信任我,給我機會訓練馬匹,很幸運頭兩關都能以不同馬匹取勝。」
如果羅富全旗下「添滿意」、「妙算達人」及「達龍駒」,當中有任何一駒贏出今年打吡的話,將係繼簡炳墀憑「實業先鋒」喺2001年贏打吡後,相隔18年再有華人練馬師勝出打吡,而羅富全亦會係第一個華人全贏同年四歲馬系列三關賽事。
「在這場打吡賽事,我三匹馬的狀態在3月5日試閘後,我都覺得很理想,大家都已整裝待發去應付打吡。我心情沒有特別緊張,因為你一緊張,你的下屬也緊張,我又不想一眾下屬很緊張,大家好像戰戰兢兢就更不理想。」
本港打吡由2000年開始轉跑2000米,過去19年內,抽到1、5及8檔的馬匹從未贏過,而最黃金的就是3檔,一共贏過四次咁多。
另外,細冧巴馬最旺,近八屆就全部由1、2或3號馬贏出。今屆賽事1至3號馬順序為「夏威夷」、「達龍駒」及「添滿意」,不過「達龍駒」抽到5檔,蔡約翰馬房「夏威夷」更排14檔起步,彼此禍福難料。
羅富全這次佔據2號及3號兩匹細冧巴馬,唔通佢真係練馬未夠兩季就贏打吡?
「至於到時跑成點,我們預計不了,希望馬匹可以好狀態,我當然希望可以有機會贏,盡量吧!」
不過羅富全最少要過師傅蔡約翰呢道高牆,事關後者旗下「夏威夷」上仗在田草1800米贏馬,姿態相當俐落,更以108評分傲視本年度打吡馬,足夠與任何對手周旋到底。
「我想『夏威夷』呢隻馬,大家都可以看到牠,上次走勢輕鬆地贏馬,要贏一場賽事絕非輕易,要很多因素集合一身才可達到。其實都是有匹好馬在手,才有機會染指這類大賽。」
-------------------------
《蘋果動新聞》訂閱新世代,4月開始免費訂閱,現在接受登記!
http://bit.ly/2Ja3IXw
-------------------------
全港打工仔特約:Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef