【新增內容及圖片】
由池晟、少女時代成員Yuri、嚴基俊等人主演嘅SBS劇集《被告人》開播以嚟都有好成績，劇集更加到18集等劇迷更加了解劇情。噚晚劇集播出第17集，劇情講到演殺人兇手嘅嚴基俊被池晟親手逮捕，令劇迷大快人心，立即刺激收視升至新高嘅27%收視率，遙遙領先同時段播出嘅另外兩劇。《被告人》將於今晚大結局，唔知結局一集可唔可以再破紀錄，升到30%收視率？

由尹均相主演嘅MBC劇集《逆賊：偷百姓的盜賊》播到第15集，不過就比上集跌咗0.7%，以9.7%收視率排第2名，而高素榮主演嘅KBS新劇《完美的妻子》收視同樣下跌，以3.9%收視率繼續墊底包尾。

另外，Yuri亦公開《被告人》嘅終映感言，表示感謝劇迷嘅支持，又稱今次同前輩合作令佢印象深刻，係好好嘅回憶。而邊拍邊播嘅《被告人》，一眾演員要默默趕戲，有工作人員今早喺Instagram晒合照，表示劇組今早先煞科，認真辛苦，池晟今日亦於Ig公開跟劇組人員影嘅大合照。

金敏碩就兌現收視公約，今日跟劇中其他「獄友」穿上囚衣現身弘大街頭，晚上劇組就舉行慶功宴，池晟、Yuri、嚴基俊都有現身。

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。