鄭欣宜今日現身中環舉行嘅美食嘉年華活動，佢同朋友合資嘅曲奇品餅店也參與擺攤位，佢見舊年設計嘅雪糕三文治受歡迎，於是今次再出擊，配合懷舊雪糕整咗4款。欣宜話舊年喺同一地方嘅美食車嘉年華，佢就推出咗曲奇雪糕三文治，而呢幾款口味亦是佢鍾意嘅味道，佢笑住話：「我同柏檔們都怕悶，所以會諗啲新口味。」問到欣宜可唔可以一個人食晒成盒家庭裝雪糕？佢就話唔得，只係鍾意食雪糕筒。

另外，許廷鏗正式加盟華納唱片公司，欣宜指一早恭喜咗對方，佢仲透露啱啱喺加拿大返港，許廷鏗約打麻雀，問可會叫老友請食飯，欣宜話：「好呀，叫一哥請食飯，一哥要睇住我。」