微辣主要收入來自廣告製作，8成客是香港公司，所以殺入香港不會立即全面娛圈化，仍會先著重廣告業務。

作為廣告公司，自由度高的創作空間不可少，微辣的自由可高到同事出Po挑戰六毫子減肥，失敗就剃光老細個頭，「你見我依家個頭包成咁，就知大家幾咁尊重我啦。」

六毫子自嘲是個仆街老細，但會學習做一個「無咁仆街嘅仆街」，「我哋公司唔洗打卡，無論你係月經或失戀，基本上一個電話、訊息，甚至唔Send，我哋都會體諒大家。」

嘩！呢啲老細一啲都唔衰喎，仲要大大力表揚！六毫子強調一切都係講個信字，就算工作上都是行個人責任制，上司不會指派工作，大家想做甚麼就列出來，「最後做唔做到，大家都會見得到。」

微辣大部分都是廿歲出頭的年輕同事，六毫子經常思考千禧後的辦公室形態會如何，「依家好多人其實唔需要係公司，科技咁發達，坐係屋企都搵到錢。」他認為公司氣氛最重要，就算被剷青都會盡量配合大家。

細細聲話你知，微辣現在香港請人，主要招攬營銷及財務職位，不過如果覺得自己表演慾爆棚，一樣可以自薦！畀個貼士大家，六毫子見工第一個問題就係：「我靚唔靚仔？」

記者：鍾耀恆

全球樓行 Dream House零距離
https://hk.feature.appledaily.com/overseasproperty