當年今日
關於我們

【韓流】韓節目爆料麻煩女星唔肯着平價衫 矛頭直指...

蘋果日報 2017/06/16 12:30

元斌李娜英

韓國爆料綜藝節目《勇敢的記者們3》不時爆圈中人嘅秘密,近日最新一集就踢爆一名知名女星嘅惡行,根據節目記者爆料,呢位女星擁有模特兒嘅身形,不過佢就自視過高,出道至今經常耍大牌,令到好多記者叫苦連天。
當中一名化妝師就話該名女星未走紅前,原本約好同傳媒影相,但到達現場後佢就查問媒體提供嘅服飾價值,當佢知道銀碼唔係高檔周飾時即時發爛話唔拍,仲當場走人,搞到神憎鬼厭,而佢呢啲惡行自然被唱通街,當日邀請女星拍照嘅媒體仲將佢列入黑名單,以後都唔報道佢嘅新聞。
節目播出街後,網民自然又柯南上身,猜測邊個係當事人,當中有網民仲留言話聲稱友人係廣告導演,亦曾遇過那位麻煩女星,當中女星亦都係以中價服飾拒絕拍攝,搞到工作人員要苦等5個鐘,最後要經理人下跪哀求女星先肯就範,仲要以粗口狂鬧一輪後先死死氣去開工,網民仲留下唔少線索,話呢位麻煩女星之前喺江原道舉行過草地婚禮,佢亦接拍過平價服飾嘅代言廣告。
由於網民提供嘅線索都幾容易猜測所指何人,其他網民已第一時間估到呢位麻煩女星同元斌嘅老婆李娜英好脗合,事關兩人於前年秘密喺江原道旌善郡旌善邑德雨里附近某民俗村內舉行咗簡單婚禮。
empty
韓節目爆料大數麻煩女星
empty
網民矛頭直指李娜英,而李娜英同元斌前年低調結婚
empty
李娜英曾擔任UNIQLO代言人