剛周三（24日）谷戰用C加3跑道，放頭入直路馬匹取得三勝三位兩殿全入前四名，場地偏差十分嚴重。

今日（28日）轉用谷草A欄跑日賽，往績顯示形勢有得追，三匹上次追得好嘅馬「真跑得」、「文武傳奇」及「福威勝」，絕對值得睇高一線。

毛里裘斯籍騎師田泰安出名擅鬥後勁，今季他策騎過三匹剛造最快末段之「乘勝追擊」、「巴基之友」及「開心神駒」，結果取得一冠一季一第五佳績。

今日田泰安座騎中，第四場四班1650米、方嘉柏馬房「真跑得」正屬同類份子，前仗由鄭俊偉馬房轉投方廐初出，爭五班1400米即勝。

上仗轉跑谷草四班一哩，又交出最快末段時間跑第二，該役總時間1分39秒7，不單比另一組四班賽快超過半秒，甚至與三班頭馬「紅運戰士」只差0.05秒而已，「真跑得」快時間下只輸半身位「川河領駒」非戰之罪。

今次方嘉柏在延遲截止報名期間替「真跑得」加入報名，今季另一匹相同安排之廐侶「嘉應之友」亦入Q，「真跑得」抽埋黃金一檔，可謂形勢大好。