上周蘋果日報慈善基金喺社聯協辦下舉行咗撥款行動簡介會，當日吸引咗百幾間社會服務機構，派出成百幾人嚟參加，比預期踴躍，搞到要臨時加開一場，以回應機構對蘋果基金嘅支持。當日出席嘅除咗蘋果基金愛心基金委員會主席許賢發太平紳士，重有新加入基金做董事嘅基督教家庭服務中心總幹事邱可珍太平紳士，同埋壹傳媒集團財務部及法律部兩位董事成員。開始嘅時候首先由發叔同大家講吓基金嘅歷史，蘋果基金喺九五年誕生，𠵱家經濟環境唔好，但捐款數字都好高，一路都得到好多善長嘅支持。發叔重承諾基金將每三個月開會一次，盡快審批每個機構嘅申請。