《變種特攻：天啟滅世戰》（X-Men：Apocalypse）中，29歲美國男星EvanPeters扮演嘅「閃銀」擁有驚人嘅速度，快到可以令時間停頓。喺新一集中，有一幕係俾閃銀騷quali，喺X教授校園爆炸時，救出所有嘅學生。呢一幕獲唔少觀眾讚賞，爆炸期間嘅停頓位拍得好靚好仔細。
日前電影公司就發放拍攝呢一幕嘅花絮，原來可以拍出爆炸慢鏡效果，全靠一部名為Phantom嘅攝影機，呢部機每秒拍到3,000個定格，可以將一秒嘅動作延長至15秒。而拍攝爆炸場面時，攝影機喺片場以每小時144公里行駛去捕捉場面。

EvanPeters就要喺鏡頭面前，對住部強力吹風機喪跑，有特技人幫佢完成一啲高難度跳躍動作。其他「被救」嘅演員亦綵排咗成個周末先開始正式拍攝。


製作花絮連結:
https://www.youtube.com/watch?v=kT6MWr7XeJ4