今日（26日）沙田八草兩泥賽事，草地用A加3欄，度地儀指數2.71，場地掛牌為好地。今日將不會進行壓地。

睇番上季同期3月28日田戰亦係用A加3欄作賽，當日度地儀指數2.7及掛牌好地。當日大利前置馬，分別有「精算追擊」、「貝連利」及「歡樂一生」放頭入直路帶到；「開心遊戲」及「幸運歡笑」守第二位建功，後追馬要在高班中長途賽才較具威脅。

今戰列陣馬中，第九場「財寶家駒」跑兩次田草A加3欄全勝，其他賽道唔識贏，今仗再遇福地可重視。另外，第二場「搵銀天皇」跑田草A加3欄1600米一次即勝，重返強項有留意必要。

泥地方面，硬度計指數9.10，掛牌好地。今日兩場泥地均跑1200米，12月至今十場同程日賽，放頭馬取得四勝四位兩殿佳績，今日第四場「八心之友」及第五場「瑞士雄心」等擅跑泥地之快放馬可捧場。