89六四，人民不會忘記！

今日是六四30周年，維園舉行燭光晚會悼念，雖然近年很多藝人北上搵銀，政治變成禁忌，但仍有藝人不忘六四的慘痛，現身晚會拒絕遺忘！其中包括晚上7時許已抵達銅鑼灣的王宗堯，身着印上Never give up黑色tee、手拎坦克人襟章，他接受《蘋果》訪問表示，雖然30年已過去，但感覺仍然纏繞心頭：「我成日覺得，近年尤其會好攰，你會見到一個政權越嚟越惡，越嚟越強勢，所以有好多嘢我哋需要不斷提醒自己，就係其實佢哋不斷蠶食緊我哋嘅自由，30年前爭取緊嘅，到今時今日都仲未爭取到。」

每一年六月四日，如果在香港，王宗堯都會到場參與燭光晚會：「只係讀書時少啲，因為嗰時唔喺香港，但近年可能係HKTV之後，香港人好習慣地上街，變相地自己更加會覺得有政治意識覺醒。」

雖然時間向前行，但中國民主自由卻倒退，要珍惜上街和發聲機會，王宗堯說：「尤其今年送中條例，好希望見到更加多人，好似今晚咁凝聚更多香港人一齊出嚟，話畀大家知，其實大家仲未放棄，趁香港仲有呢個機會，可以發表自己意見同發聲嘅時候，真係出得嚟一次盡量出。」

如果有機會跟年輕一代說話，王宗堯想說的是，「嗰日做首播會，毛哥（梁國雄）講過一句嘢幾打動到我：其實人哋放火、或者隔籬燒着咗，其實好快會燒到埋嚟，唔好話六四唔關自己事，我哋而家可以繼續龜縮，你唔理政治就ok，甚至乎放棄呢個屋企離開，其實只要有一日踏足香港，送中條例一旦過咗，佢係比23條更加恐怖，23條當年我哋有20萬人上街，我希望今年會見到更加多人出嚟，6月9日會見到我。」

另外，早前患癌要進行割舌手術的前DJ洪朝豐獨自步入維園，身穿黑衫的他腳步緩慢，亦不接受採訪。

【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9