外圍股市無恙，惟港股昨日卻無端急插651點或2.5%，失守25800支持，成交更增加至1013億元。後市似乎調整未完，個人認為，港股較大支持位應在24800點水平。
大跌市出現，當然要搵理由。其中一樣係中行（3988）有分析員發表一份建議人民幣一次性貶值的報告，激發不交收人民幣遠期外滙合約（簡稱人民幣NDF合約）兌美元一年期報價創出03年10月以來單日最大跌幅。如果人民幣升值預期放慢，最大潛在影響係海外流入股市的資金會否減少，魚缸若然冇水，好多股票就冇咁生猛，玩法完全唔同。

有散戶「馬後炮」講，股價一直大後落的和黃（013）前日忽然大成交炒高，已警覺到港股升勢似係「尾班車」。湊巧和黃一升，港股轉頭就大跌，莫非真係「明燈」？