當年今日
關於我們

【異動空間】想像空間十級跳(魏力)

蘋果日報 2019/09/01 18:00

魏力BYND

港股彈散格局不變,靠博反彈搵食,前題係一個字:快。近期因應市況,魏力多用IG作即市分析,畫晒圖再解說,希望幫大家發掘短線機會。回顧8月業績期,先後揀中微盟(2013)、美團(3690)、新東方在線(1797)、眾安在線(6060)、希望教育(1765)、網龍(777)等股份,揸兩三日升幅1成以上,有用開IG的戰友歡迎follow。
 
業績期過後,錯價股份大致修正,炒短線機會大減,要將戰線轉回美股了。利率期貨顯示,9月減息四分一厘幾無懸念,金價回落,長短債倒掛的幅度亦收窄,加上貿戰未有新壞消息(就是好消息),氣氛暫時略為紓緩。亞馬遜森林因闢地養牛而引發的大火持續,再次喚起人類棄肉茹素的意識,成為Beyond Meat(BYND)近日動力轉強的催化劑。
 
人造肉市場方興未艾,行業研究顯示,購買素肉漢堡的消費者,95%同樣會進食「真牛肉」漢堡,打破「只有素食者才會食人造肉」的觀念,令其想像空間十級跳。BYND近期先與Subway合作推素肉丸潛艇堡,上周再與KFC聯手推出「植物炸雞」,藉快餐市場迅速擴大產品滲透率,助收入高速增長。當然,公司掛牌至今狂飆近6倍後,估值點計都係超貴,競爭對手也不少,要股價再上,業務犯錯空間不多,但跟動力去短炒還是不錯選擇。
 
筆者為證監會持牌人,持有網龍及BYND。
魏力
-----------------------------
揀樓必備天書 15屋苑則王全紀錄
點擊即睇《全港則王圖鑑》電子書