吳綺莉女兒吳卓林被指流落加拿大街頭，在多倫多士嘉堡便利店購物，有報道指卓林單拖拉住一架購物車仔，車內物件雜亂，卓林又衣衫單薄，指卓林拾荒為生云云。今日有聲稱當日目擊卓林嘅網民為之平反，指卓林唔係執垃圾，而係去買嘢：「我也看到了，看她挺可憐的，被這樣說，哪天看到她穿很整齊，從超市出來，根本不像拾荒的流浪漢。」

卓林同女友Andi在多倫多已逾二百日，有指卓林嘅旅遊簽證為期半年，現已過期逗留，估計已續期手續。

吳綺莉好友郭秀雲之前曾痛斥卓林遭人擺佈，又指卓林女友Andi母曾向吳綺莉索生活費，達數萬元一個月云云。（新聞連結：　 https://bit.ly/2vs77rG　）今日郭秀雲接受傳媒訪問時，大嘆吳綺莉以前太縱卓林，又暗指有人有服藥習慣，感謂「唔知佢幾時先醒」。

《蘋果》致電吳綺莉，問到女兒卓林情況，佢表示︰「唔好意思，我唔答啦！真係唔好意思。」至於同卓林由細識到大嘅龐景峰，佢回覆本報話︰「我都有成年冇同佢聯絡，都搵唔到佢。」稱卓林已改電話。