當年今日
關於我們

48歲劉嘉玲素顏示人夠勇敢:冇所謂,都係我嚟嘅

蘋果日報 2014/03/01 06:00

劉嘉玲陳法拉素顏非洲癌症基金會活動

勇於面對自己嘅真面目,唔係個個女星都敢。好似日前壽星女陳法拉BB同身在非洲嘅劉嘉玲都不約而同喺微博晒素顏相,法拉嗰陣索到不得了,網民大讚,但就有人一眼睇穿佢有化底妝同畫眼線,唔係「天然裸」。相反,48歲嘅嘉玲就真係全天然素顏,靈魂之窗旁邊嘅眼紋同黑眼圈無所遁形,但嘉玲毫不介意讓真面目示人。

今晚嘉玲一身deepV性感亮相到太古坊出席癌症基金會活動,提到公開自己去旅行時嘅素顏照,被讚勇敢,佢話:「去到嗰啲環境,有makeup先奇怪。素顏冇所謂,都係我嚟嘅。」而之後佢同老公梁朝偉去咗東非旅行一星期。而佢依家人生目標係襯有熱情同體力去旅行周圍睇,想去巴西睇世界盃,又去睇北極光。