當年今日
關於我們

武漢肺炎︱燭光晚餐疫下絕跡 情侶公園食飯盒同樣恩愛

蘋果日報 2021/02/15 10:01

武漢肺炎情人節赤口

情人節撞正疫情,愛侶又如何慶祝?有拍拖逾3年的情侶說,今晚會回家與家人食飯,「當然冇咁浪漫啦」,但認為疫情下,出入要嘟「安心出行」,已無特別去想如何慶祝;也有首次共度情人節的情侶選擇到公園吃飯盒:「平時唔會諗住情人節坐喺公園同工人姐姐一齊食嘢。」

燭光晚餐變「野餐」 限聚令廣播無阻依偎

浪漫夜因政府措拖,沒有堂食的燭光晚餐。《蘋果》晚上到銅鑼灣和尖沙嘴海旁視察,街上仍有不少穿上情侶裝或手捧鮮花的愛侶十指緊扣。情人節適逢農曆新年,維園草地坐滿不少外傭,長椅上有情侶放下鮮花吃飯盒,甚至除罩親吻;尖沙嘴海旁禁止聚集的廣播,無阻情侶依偎和開餐,也有人販賣汽球和玫瑰花。
拍拖4個月的陳先生和李小姐說,今日到了長洲遊玩,晚上則到維園吃外賣,「趕唔切6點前食嘢」。首次共度情人節的他們說,今晚是難忘獨特的體驗,「平時唔會諗住情人節坐喺公園,同工人姐姐一齊食嘢,可能無咁衞生」。
他們說,有交換禮物慶祝,女友親手畫了油畫,男友則送女友愛用的護膚品,但因為沒有時間,所以不考慮去酒店staycation,又指今日見到長洲渡假屋遍價較平日貴一倍,部分需1,000元一晚。

「呢個香港真係令人好失望」

拍拖3年7個月的張先生和單小姐說,今晚會回家屋企食飯,「屋企有人,無辦法啦」。單小姐苦笑說,「當然無咁浪漫。而家疫情,收花又唔環保,都係簡簡單單就算啦」。她指,往年情人節會預定西餐廳食晚餐,「但今年諗都無諗㗎喇,出街又要嘟『安心出行』,日日睇到啲新聞都無心情(慶祝)」。她說,有想過去staycation,「但真係要登記好多資料,唔想,呢個香港真係令人好失望」,又說:「下年囉,仲有好多年(情人節)㗎嘛」。
單的男友張先生則指,今日沒有消費活動,亦沒有將情人節大餐提到到中午食,打算待日後再補祝情人節,「情願放寬返再睇吓出唔出去,不過都要『安心出行』就唔係好想,因為始終要畀晒(資料)政府,自己驚驚地囉,不如拎部3310出街」。

愛侶自製浪漫氣氛

拍拖3年的李先生和譚小姐也指,今晚會買外賣回家陪家人食飯,認為無阻氣氛,「正常係食(情人節)晚餐,但今年因為限聚令,所以變咗食午餐」。譚小姐說,今年情人節街上仍然有不少人,氣氛與往年差不多,「雖然個個都戴住口罩」。李先生則說,已在日頭「二人世界中,晚上就當順道慶祝農曆新年,亦預備兩支玫瑰,送給自己和女友的母親,女友則送心形氣球。
他指,疫情下經濟欠佳,但無影響情人節預算,今日花費約2至3千元慶祝,「浪漫嘅氣氛係自己製造嘅」。
-----------------------------
《蘋果》英文版免費試睇:了解更多
英文版已登錄《蘋果》App,立即下載/ 更新iOS / Android
-----------------------------
支持蘋果深度報道,深入社區,踢爆權貴,即Like蘋果專題及調查組FB專頁