有球場莫扎特之稱嘅路斯基，2016年離開阿仙奴，大家都以為佢退休，其實佢只不過返母會布拉格斯巴達，可惜傷患始終跟隨住呢位進攻中場，上季只踢過1場就要長唞。

周日斯巴達主場對卡爾維納嘅捷甲，係路斯基休息咗接近一年再次復出，17分鐘佢仲接應隊友右路傳中，近門射入，咁啱係佢闊別17年，再幫母會入波，斯巴達最終亦以2:0擊敗對手，取得開季第3場勝仗。