言論出位嘅香港武打巨星成龍，最近幫香港航空拍咗條宣傳片，懷疑因為負評太多，喺香港航空嘅FB專頁上被隱藏，但今次就喺國際威番次。由佢同耀萊文化組成嘅耀萊成龍DC車隊，周日靠董荷斌、查維斯及羅倫特領銜的38號車組，喺2017年勒芒24小時耐力賽中奪得全場亞軍，仲攞到LMP2組冠軍，亦創造中國車隊喺呢項賽事嘅最佳戰績。

至於另一個亦係屬於耀萊成龍DC車隊嘅37號車組，亦獲得全場第四，喺LMP2組就得到季軍。至於全場總冠軍，就係LMP1組別嘅保時捷車隊。