【經典reboot】NTV重拍《我Miss係大佬》 斟白石麻衣取代仲間由紀惠
蘋果日報 2020/06/14 11:09
仲間由紀惠白石麻衣我Miss係大佬平野紫耀
NTV打算開拍全新陣容的《我Miss係大佬》。
日本女星仲間由紀惠主演的招牌劇系列《我Miss係大佬》曾大受歡迎，又先後捧紅多位當紅男神，小栗旬、松本潤、成宮寬貴、赤西仁、龜梨和也、速水直道、小池徹平、三浦春馬等也是劇中學生，最近NTV電視台趁武肺疫情於晚上重播2002年首輯，令劇集再次於當地引起迴響。
NTV眼見近年新劇成績欠佳，正打算reboot這個經典系列，日媒報道指尊尼組合King＆Prince的當紅偶像平野紫耀可謂炙手可熱，是在新一輯《我Miss係大佬》中扮演主角學生的最佳人選。不過，電視台正為女主角山口久美子的選角而傷腦筋，雖然大可起用好戲之人戶田惠梨香或二階堂富美，但卻未能為觀眾帶來驚喜，劇組正屬意乃木坂46一姐白石麻衣孭飛，由27歲的她扮演任職中學Miss的黑道家族傳人，絕對是甚有睇頭，而橋本環奈、本田翼、川口春奈亦在電視台的考慮之列。
仲間由紀惠主演的《我Miss係大佬》曾大受歡迎。
《我Miss係大佬》2002年首輯於日本重播。
《我Miss係大佬》系列捧紅不少男神。
白石麻衣被睇好最有可能取代仲間由紀惠做新版女主角。
平野紫耀亦是最佳人選。