當年今日
關於我們
姜文杰新劇演攝記 偷拍o靚模
蘋果日報 2013/01/18 06:00
姜文杰
姜文杰新劇做攝記。
姜文杰今日去到新城做客席主持,佢透露稍後為香港電視拍第三套劇集。
雖然電視台遲遲未拎到免費牌照,但佢話員工上上下下士氣高漲,佢話:「我哋有信心王生(王維基)唔會魯莽咁做,依家有個免費牌照係幾百員工嘅夢想。」姜文杰話目標係拍一套劇,就可以有錢造一首歌同拍一個MV。
至於佢喺新劇入面,會飾演攝影記者,佢仲向兩個做過記者嘅朋友偷師,教佢點拎相機會Pro啲,佢又話喺劇入面,會匿喺山頭偷拍對面屋嘅o靚模。