當年今日
關於我們

【短片】【代亞視問前程】黃大仙賜上籤「陶淵明賞菊」:見轉機

蘋果日報 2016/02/08 06:00

蘋果黃大仙亞視清盤即時公關求籤求簽黃守東前景上籤阿東上簽陶淵明賞菊

亞視末路,幾乎所有高層全部跳船,紛紛引用《僱傭條例》10A自動遣散,但現年31歲、任職亞視7年嘅公關及宣傳科高級經理黃守東就決定無論如何繼續留守,而近排亞視冇晒高層出嚟撐場,都係阿東以亞視發言人身份出嚟支撐大局,真係好愛亞視同佢呢份工作。

就講今日大年初一,黃守東放假陪家人去黃大仙拜神,順道幫亞視前程求咗支籤,結果出嚟係第九籤陶淵明賞菊:
「瑤琴一曲奏新腔
明月清風枕簟涼
咸集嘉賓同賞菊
或歌或舞或飛觴」

黃守東今日透過WhatsApp話:「每年農曆新年都會與親友到黃大仙祠,今天也按傳統再到,但印象中我從未試過求簽。親友知道亞視近況,都叫我試求一籤,問問亞視前景。」

「雖然我從來相信命運掌握於自己手中,但也覺一試無妨,故試求一籤。結果求得第九籤『陶淵明賞菊』,解籤師傅說此為上籤,如問公司前景,則會向好,風波後會見轉機,事情會見好轉。我但願籤文及師傅解說成真,一切於年假後向好吧。」