【兩日前先食環】大渣哥茶記被密密徹查 警察今踩場稱接「不夠1.5米」投訴
蘋果日報 2020/04/05 15:27
食環渣哥武漢肺炎
（IG圖片）- 渣哥所開的茶餐廳今日被警察上門徹查，指有人投訴餐桌距離不達1.5米（IG截圖）
- 渣哥與譚小環今年在九龍灣開茶餐廳（資料圖片）
- 兩日前，食環已去過渣哥的茶餐廳一次（資料圖片）
武漢肺炎肆虐，特區政府不斷推行減少社交人數的措施，如飲食業就實施「限聚令」，禁止4人以上的公眾地方聚會，食肆的餐桌之間要有1.5米距離，而餐廳入坐率需減半，令陷入寒冷的飲食業雪上加霜，上星期五開始，更要求酒吧或酒館關閉14日，減少傳播風險。「限聚令」實施下，食環署近日已不時巡查食肆檢測執勤，當中更會在繁忙時間進行，大大令食店生意受影響，而杜汶澤早前提到食環專揀黃店食肆巡查，間接影響小店的生意。
譚小環老公「渣哥」蔡強榮在九龍灣開的大渣哥茶餐廳，兩日前被食環署職員前來檢測過，當時渣哥亦在場，更向食環職員反映不少行家在繁忙時間被成隊人前來巡查，有點立心不良。渣哥今日再出帖文，繼兩日前被食環徹查後，今日就到警方上門，相中見到有3個軍裝警員在茶餐廳中與職員對話，警方指收到投訴餐桌距離不達標，渣哥就有留言解釋事情始末：「本來費事講，但見好多渣友inbox關心，為免大家擔心，所以簡單講下，劇情發展是咁的，今天中午，當然都係最繁忙午膳時間啦，驚方收到枱距離不够1.5m投訴到場，發現完全沒有違規逗留3分鐘後安靜地離開現場。除了一位較年邁阿姐嚇一嚇跌咗條腸仔落地之外，乜事都無。」
渣哥不夠一星期內，被食環及警察連環徹查，每次結果都沒有違規，有不少網民都留言撐渣哥，當中有「咁得閒搞黃店不如認真做下實事啦」、「渣哥撐住呀！！辛苦了」、「佢咁樣係唔會令我哋驚架！大力嚴懲黃店呀！」、「浪費香港人三分鐘嘅一群垃圾」及「有人玩嘢投訴？定係驚方自己講？」、「差佬搞嘢預咗」等。