當年今日
關於我們

【C朗逃稅】皇馬影新相冇C朗份 返咗國家隊練波啫

蘋果日報 2017/06/14 23:15

逃稅皇家馬德里西班牙C朗加里夫巴利賓施馬卻奧斯基斯坦奴朗拿度

【新增動新聞】
朗尼曼聯海報冇影,大家就傳佢會離隊;皇家馬德里周三就影下季新波衫嘅宣傳相,卻奧斯、賓施馬同加里夫巴利有份出席,不過就冇基斯坦奴朗拿度(C朗)份,唔通皇馬驚C朗逃稅案上身,又想放走佢?咁又未必,事關C朗去咗葡萄牙國家隊練習,準備周六開始嘅洲際國家盃啫。
皇馬每年唔少收入都嚟去賣波衫,年年換款是常識吧,下一季皇馬主場仍然用白色,就配上粉藍間;皇馬周三就安排咗中場卻奧斯、前鋒賓施馬同加里夫巴利影相,但貴為首席射手,C朗竟然冇份,佢只不過去咗葡萄牙國家隊報到,完成洲際國家盃就會返嚟補影。
empty
卻奧斯(右起)、加里夫巴利同賓施馬,影皇馬新波衫相。
empty
C朗正跟葡萄牙國家隊練習,所以冇份影相。
empty
中場艾斯高(圖)亦示範新作客球衣。