「部電視機壞咗幾個月,畫面經常出現『雪花』睇唔到,試過幾次叫朋友修理都係整唔到,我哋攞綜援,每個月開支都綳綳緊,早排社區中心派平安米,我都有排隊去攞,始終慳得幾多得幾多,屋企除咗個雪櫃係之前儲錢買之外,其他嘅用品好似電風扇、衫、床同埋枱櫈全部都係人哋畀或者喺垃圾房執。」七十二歲的李婆婆慨歎說。
貧病兩老無錢買
李婆婆與七十七歲的任伯,育有七名孩子,一直靠任伯任職清潔工維持生活。近年,子女相繼成家立室,各有負擔,自任伯退休後,夫婦便依靠綜援金維生,經濟緊絀。詎料,李婆婆早年不幸患有乳癌及糖尿病,為了治病,已耗盡僅有的積蓄,她現需定期覆診及服藥,以穩定病情。
早前,任伯發現家中使用十多年的電視機,機件出現故障,惟他們卻無力購買全新的電視機。患有高血壓的任伯期盼說:「醫生話我骨節退化,𠵱家每行幾步路就要休息,平時都好少周圍去,若果有部電視機,可以睇吓新聞同埋劇集,多啲娛樂,就唔使坐喺屋企咁悶。」