林子聰（肥仔聰）近年在大陸發展，早年結婚育有一對4歲和1歲子女，他仍經常往返大陸工作，近日受疫情影響全面停工，惟有留在香港享受家庭樂。除了陪伴家庭 肥仔聰也貢獻社會，今日他和安德尊在牛頭角下邨派發口罩、米、水等物資給傷健人士和長者。肥仔聰和安德尊知道早前口罩被搶購一空，炒價太貴，有些人未必買到口罩，希望物資能幫到社群。

肥仔聰幸好有足夠存貨，他解釋：「之前喺大陸開工廠房都好污糟，入完去之後成個鼻都黑晒，有用開口罩，近日冇戲拍，攞番啲口罩返嚟香港用，暫時一家四口都叫夠用。」受到業界蕭條，肥仔聰坦言工作大受影響：「冇乜所謂，多啲時間陪屋企人，雖然時間長咗啲，但即使話上去開工，都唔敢去住，邊個夠膽開，旅行都唔夠膽去啦！」至於停工狀況維持多久？肥仔聰說：「噚日收到最新消息，可能3月尾會復工，聽講一啲細crew人少可以逐步復工，願意返去就先自我隔離兩星期，body check證實冇事，等成組人攞咗健康紙先可以開工，但有時臨時演員周圍走，所以暫時唔急。」

今次疫情人人都有金錢損失，肥仔聰豁達地說：「冇所謂啦，冇健康先買唔到，話就話金錢上損失，但陪到小朋友又係另一種得着，我份人從來都唔想唔求，之後再努力。」

安德尊之前主持節目有傳和李錦聯不和，常在節目互相頂嘴，日前在節目《流行都市》節目中，疑似嘲諷新人男主持吳天佑椰菜花和西蘭花唔識分，言語間又串Annie師傅，被指搗亂。安德尊大方回應：「煮餐飯啫，開心咪得。」而常串拍檔搞出不和火花，安德尊則否認指：「你哋最好問天佑，公道少少，疫情下最緊要大家開心煮餐飯，講嚟講去都係煮飯啫。」

搞氣氛揶揄人均是安德尊風格，他說：「大家青年人玩埋一齊好開心，friend唔friend你哋問佢啦，我講你哋又唔信。」不過今次又惹來是非和火頭，安德尊說：「唔會，電視演出大家開心，都係煮餐飯，大家鍾意一齊玩，人哋唔同你玩就講咩都冇用。」

採訪：卓寶花
攝影：陳慧安

-----------------------------
第三屆最港電影大獎
按此立即投票
-----------------------------
【武漢肺炎】專頁
全民自救 抗疫資訊盡在《蘋果》