今朝柏寶亦有到場，但只操兩駒，心中馬應是「太陽喜喜」，這少數由其主理的賀賢質新馬，初出跑完，復課後試閘、拍跳，與昨課最後試跑，全部由柏寶親自做晒，上月尾試谷閘，睇見這馬轉急彎無出錯腳，轉正直路更純熟地換左腳，比起上次賽前試泥閘順滑好多，雖不排除因加面箍幫助，但也有可能是進步的轉變，所以今次縱由1000轉1200米，又抽外檔，都覺得是機會馬。
難得見柏寶如此花心機去教「太陽喜喜」，落到場通常唔會心不在焉，反而會畀心機去跑，除非際遇逼使其楔無可楔，否則一定會跑得好好睇睇。

詳盡內容可留意明日<<蘋果日報>>及蘋果馬網 http://hk.racing.nextmedia.com