袁偉豪被嘲做「軟飯王」洪永城撐︰佢好努力有咁嘅成就係值得
蘋果日報 2020/09/24 17:59
馮盈盈洪永城袁偉豪
（蘋果日報圖片 / IG圖片）
馮盈盈和洪永城今日出席主題公園森度遊活動記者會，馮盈盈穿上運動裝即場示範做瑜伽。近日馮盈盈積極研發食譜瘦身，被問緋聞男友鄭衍峰會否因她早前的新聞影響感情，她表示沒有，還向對方請教瘦身：「佢話我大腿後面仲要瘦，同埋請教佢幫我操蜜桃臀。」
繼早前與江嘉敏一同參與富豪船P後，近日馮盈盈被指再黐富豪圈子，參與富家子Reeve為港姐女友胡美貽搞的生日派對，馮盈盈表示認識朋友不着重對方是否富有，承認一早識Reeve：「一向識朋友係唔會計有冇錢，我朋友圈子大致上係咁，識落一班朋友。」被取笑今天有機會再識新朋友，就是大劉兒子兼活動搞手劉鳴煒，她說：「多謝邀請我做呢個活動，暫時未有機會打招呼。」更稱不會刻意互相交換電話號碼，工作上可聯絡經理人。
洪永城最近經常陪女友梁諾妍跑步，望明年一同參加馬拉松，笑言女友嫌自己步速慢。至於好友袁偉豪公佈婚訊，一年前向女友張寶兒求婚成功，洪永城表示自己在社交平台得知消息，對於袁偉豪被嘲笑做「軟飯王」，洪永城力撐對方：「我覺得佢係好努力嘅人，今日有咁嘅成就係值得嘅。」武漢肺炎在港爆發，洪永城於1月1日後已沒有商演活動，日前林盛斌為業界發聲，覺得未得到政府援助，洪永城說：「呢個問題好複雜，邊一方面幫唔幫到手都好，呢個時候要增值自己。」
洪永城和馮盈盈今日出席活動。（蘋果日報圖片）
洪永城經常陪女友跑步，望明年參加馬拉松。（蘋果日報圖片）
好友袁偉豪最近公佈婚訊，卻被嘲笑是「軟飯王」，洪永城力撐對方。（IG圖片）
馮盈盈找緋聞男友鄭衍峰幫手練蜜桃臀。（蘋果日報圖片）
馮盈盈被取笑有機會認識活動搞手劉鳴煒。（蘋果日報圖片）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！