球迷期待了四年的世界盃又到了！不少人想免費睇世界盃，各出奇謀；中港兩地均有商販趁機賺錢，推出五花八門「睇波神器」，包括電視盒子、解碼器、直播接收器、收月費專享頻道，盡管接收方法不同，各商家均拍心口聲稱可以盡看64場世界盃直播賽事。有法律界人士指出，世界盃賽事有版權作品，而非法盜看或會觸犯《版權條例》。

「呢個好易安裝，返到屋企依照說明書就可以安裝，入面所有台，你睇到嘅都可以睇到。如果你睇唔到可以轉去其他台，例如中央五台或者係廣東體育台。」《蘋果》在深水埗鴨寮街其中一個專賣各種電視天線的檔口，發現有檔主正在展示一批HIBOX，還邊硬銷邊講解：「呢個盒子不需要解碼，你接駁咗上網就得喇，可以睇世界各地的體育頻道，佢地世界盃都有直播，到時㩒入去睇就得。」當記者問這是否違法？檔主隨即氣沖沖地說：「犯乜法？你唔幫襯就唔好係呢度搞搞震！」還重申：「呢部唔係解碼器係盒子，係上網用嘅，唔係解碼器盜睇頻道。」

而在同區黃金商場亦有不少店舖有出售不同牌子電視盒子，有女檔主表示：「呢啲盒子睇世界盃全部冇問題，如果呢個台睇唔到，可以轉去第二個台，總之一定包保你可以睇到世界盃。」

至於深圳華強北的賽格電子市場及附近出售電子產品的商場，不少店舖都有出售電視盒子；而羅湖口岸商業城一帶，以往大模斯樣出售有線電視解碼器的情況已不復見，取而代之的是售賣電視盒子。其中有檔口聲稱出售有線機頂盒，但查問下卻指機頂盒並不是即買即用，而是需要付30元月費，並下載指定軟件才可以收看有線球彩及賽馬節目，並非全部收費節目均能收看。

該商家稱，現時能破解並收看NowTv及有線電視節目的解碼器及機電視盒因為技術問題幾乎不存在。又謂想買收看香港收費台電視盒子的人多數是為收看體育賽事，但其實有很多替代選擇。「如果想睇波好多外國台呀，CCTV(中央台)都有直播，如果想睇又唔想畀錢就要將就下。」

除各款睇波神器外，《蘋果》亦發現有奸商藉世界盃掠水，記者在華強北路發現有店舖女檔主聲稱有解碼器，連香港Now TV的頻道也收到，「now呀？我有呀！我有付費的，是其他衛星的now呀！(怎麼收呀？)衛星收呀！網絡機上面有now呀！……now是英文的嘛？」當記者問他如何安裝，以及可以看到Now TV什麼頻道時，她即答不上嘴，強調「只要信，不用問」。其後即推介另一款衛星接收器，聲稱只要加隻鑊，向着南偏西的方向，亦可免費接收到中央5台，同樣可免費睇世界盃。

海關會在世界盃期間會主動巡查及執法，上月第一波執法行動代號「特洛伊木馬」，在深水埗及灣仔掃蕩零售店鋪，打擊售賣懷疑非法電視機頂盒的活動，檢獲共354部懷疑非法電視機頂盒，估計市值約32萬元，並拘捕8人。

取得香港區獨家直播全部64世界盃賽事的收費電視Now TV則表示，早於4至5月已派人在市面巡查，倘發現聲稱可接收now TV世界盃賽事的機頂盒、解碼器或盒子等，便立即通知海關跟進。

記者：林熊 黃學潤 攝影：張軍 廖怡德

你敢爆，我敢獎！ 即Call《蘋果》24小時爆相爆片熱線 ：63836568