韓國綜藝節目《Running Man》男星金鐘國跟女歌手洪真英雖然傳緋聞，不過二人未有因而避忌，更多次一齊演出節目。將於今日播出嘅節目《我家的熊孩子》中，金鐘國將跟洪真英一齊甜蜜玩水。

於新一集《我家的熊孩子》中，金鐘國、洪真英及一班朋友去泳池游水，洪真英就向金鐘國撒嬌：「我都想要落水，但我唔識游水，你會教我嗎？」金鐘國即man爆地伸手拖實洪真英，教對方游水，場面溫馨。

而攝影室中一眾長輩見到呢一幕，都表示：「呢種感情要昇華為愛情先得啊。」又表示覺得金鐘國跟洪真互相有好感，連金鐘國媽媽都似乎有啲滿意二人配成一對。

更多韓流，喺晒《娛果》
http://fb.com/appledailyent