【老公鍾意飲湯】生B會順其自然 樂基兒:唔會刻意煮補品
樂基兒超級市場煮餸
樂基兒(Gaile)今日喺圓方為超級市場3hreesixty擔任開幕嘉賓,又即場示範做紅菜頭沙律。佢話平日好鍾意行超市,因為熱愛烹飪同埋行超市感覺好放鬆:「之前都畀人影過好多次我買餸,自己嚟緊都會做Vblog同埋喺ig播煮嘢食嘅live,希望同大家多啲互動,應該會幾好玩。」
Gaile仲話平日最多煮泰菜、馬來西亞菜、意大利菜等都係平日常煮嘅菜式:「有時去完唔同地方食嘢,返到屋企就會自己研究點煮。」o依家仲每日都會煲湯畀老公飲,佢話:「佢鍾意食肉同埋飲中湯,我多數煲蕃茄魚湯。我19歲啱啱嚟香港嗰陣就開始煮嘢食,嗰時冇搵咁多錢,唔係餐餐都可以出街食。」
Gaile又計劃專注喺Vblog教飲食心得,其他嘅工作會揀合適先做,至於會否計劃生B?Gaile笑謂會順其自然,唔會刻意煮補品:「都係食吓啲維他命。」中秋將會留港食月餅同BBQ慶祝。
Gaile今日喺圓方為超級市場3hreesixty擔任開幕嘉賓。