狼穴被揭僭建，噚日開始拆卸，全港傳媒自然實狼振英。記者都係人，由朝到晚棟喺狼宅門口，山頂高尚住宅想搵個飯盒醫肚都難。不過，飲食界非常之有生意頭腦，喺中午時分直頭派架快餐車喺山頂四圍兜售飯盒同派菜單送外賣（圖），等八方啲同行唔使捱餓。
快餐車出售嘅飯盒菜式都算豐富，咖喱雞、時菜排骨同蒸水蛋等任揀，每個飯盒27蚊仲送罐汽水，喺山頂區嘅消費水平，認真抵食。其實，快餐車平時主要顧客係一啲山頂地盤工人，估唔到狼振英未上任，先間接惠及到呢啲小本經營嘅快餐車！