當年今日
關於我們

【法網狙擊】 認真mode 離譜槍戰 六大不合理

蘋果日報 2013/01/19 06:00


原來今日下晝森美貼嗰啲槍戰場口相,係呢場走佬俏新娘……唔使講,又係陳敏之。埋門一腳,因為心繫森美,又知道對方要捉頭號悍匪,於是婚都唔結,開車去現場幫拖。

跟住就發生咗幾個常見得嚟,不可思議嘅場面﹕
1.通常重案「捕」大鱷悍匪,都一定係布下天羅地網,但中間一定係俾行緊咇嘅伙記壞了好事。竟然可以全無溝通。今次又係。
2.幾個重案警員,就可以對付頭號通緝犯,避彈衣都係現場先著。
3.一個女途人受槍傷倒地,森美竟然只係救走佢懷中嘅baby,而森美同佢嘅伙記,竟然由得個女傷者暴露喺槍林彈雨之下,跟住佢身旁架車仲發生爆炸。
4.班悍匪個個荷槍實彈,火力強勁,但硬係,射極都射唔中森美佢哋。就算射中,都冇事。咩牌子避彈衣咁勁?AK-47喎﹗
5.陳敏之可以由註冊署飛車到現場,同森美一齊向悍匪駁火,中間時段可以任何支援。點解成日有破壞人部署嘅軍裝突然殺出,但有需要時一個都冇?死咗幾個警察喎﹗
6.陳敏之連避彈衣都唔著,就咁同森美向前步步進迫開火。你在明人在暗,而佢兩個竟然冇事。

算啦,呢場史密夫與史密妻,都係睇陳敏之條腿而已。
認真你便輸了。