曾在1973年主演經典日劇《青春火花》續篇《新青春火花》嘅日本女星坂口良子，2013年因結腸癌及肺炎病逝，終年57歲。坂口良子主演過不少70至80年代日劇，包括香港觀眾熟悉嘅人氣作品《危巢乳燕》及警探劇《追緝令》等，當中以《新青春火花》可算係代表作，坂口良子當年既擔任主角，而且亦為劇集唱出主題曲。

坂口良子嘅25歲女兒坂口杏里，8年前以星二代姿態入行，可惜星運欠佳，工作量亦不多，只有與諧星嘅戀情較為矚目。最近，坂口杏里原來已跟事務所解約，更證實簽約AV公司MUTEKI，轉行做AV女優，日本報章《東京Sports》今日以頭版報道，又率先公開其處女作嘅封面。坂口杏里受母親影響，細細個已發明星夢，少女時代立志可以有偶像女團Morning娘嘅演藝成就，無奈最終踏上AV之路。