關正傑呢個名，相信好多人立即諗起佢同關菊英唱嘅《兩忘煙水裡》，顧嘉煇今日喺商台節目中就分享同關正傑嘅合作點滴，當年以業餘身份唱歌嘅關正傑同輝哥合作唔多，但首首都係金曲，自從關正傑移居美國後就淡出樂壇，煇哥話：「佢一路正職都係做建築師，早幾年曾經有人想搵佢唱歌，我咪去西雅圖搵佢，大家都傾得好開心，不過佢真係無意再唱，兼且將自己間地產發展公司做得好好。」