同屬YG事務所嘅韓國男團BIGBANG同埋女團2NE1前成員Sandara一向老友鬼鬼，雖然之前BIGBANG隊長G-DRAGON(GD)同Sandara曾傳過緋聞，但佢哋都冇話因為緋聞影響友情，早前Sandara仲先後到菲律賓及吉隆坡擔任GD世巡演唱會嘅表演嘉賓，認真唔話得。

撐完GD之後，Sandara又會撐GD隊友太陽個騷，太陽前日先喺香港亞博館完成演唱會，嚟緊星期六佢就會喺曼谷舉行演唱會，Sandara亦落實擔任太陽演唱會嘅嘉賓，認真好感情。

另外，GD本月23及24號先後喺英國伯明翰同埋倫敦舉行演唱會，由於倫敦嘅場地曾經有唔少世界級歌手開騷，好似The Beatles、Beyoncé等都喺呢度開騷，而BIGBANG亦曾喺2012年在此開騷，對於今次舉行個唱，GD就話：「不管去到邊我絕對都唔會忘記今次嘅公演。」