中環干諾道中62號近租庇利街一段，商戶投訴自1996年開始，道路工程近八年來一直未停過，路面挖完又挖，道路長期圍封，行人路被佔去三分一而變得狹窄，工程導致塵土飛揚，行人卻步，八年間生意大受影響，不少商戶因生意支持不住而相繼結業。

「八年喇！啲工程無日無之，隔鄰好多店舖都頂唔住執晒笠，再咁落去，真係唔知可以捱到幾時？」在干諾道中經營鐘表行多年的應太歎道，八年來忍受着商舖門前的路面工程，附近一帶商戶無不叫苦連天。

圍封路面地爛塵大
大感無奈的應太表示，這些年來，上址一帶的路面「幾乎未完好過」，雖然期間也有工程終止的時間，但路面總是「爛嘅時間最多」。
應太稱，自1996年租庇利街行人隧道建成後不足一年，附近行人路面又進行挖掘工程，施工近四個月，工程完成後，路面「平靜」了不足半年，路面又進行挖掘工程，附近一條行人天橋亦拆除。
「三年前開始圍封，條路收窄晒、地面又爛、沙塵又大；途人都盡量唔行呢度啦！但最唔明係點解搞咁耐都未完工？」應太向記者大吐苦水，近年生意大受影響，鄰近店舖支持不住相繼結業。