經過一輪國際賽期，歐洲各大聯賽重開，要注意有太多國腳在陣的球隊，今周宜避開；愛華頓今季表現硬淨，作客米杜士堡，平手盤亦可捧。
米杜士堡已經3連敗，今仗有更中堅活基治因傷料缺陣，本身不穩的防線更危危乎；今次立博開出平手盤，米杜士堡稍為低水，純粹為往績支持。愛華頓是英超其中一支不敗球隊，雖然近3仗未都嘗勝果，包括上仗完場前被曼城迫和，但可視為獲利回吐，因為愛華頓季初已贏多個盤；以愛華頓前鋒安祖莊臣近況大勇，更要向國家隊證明，自己應該是英格蘭正選前鋒，平手盤要信有入球能力的球隊，一於捧客軍。

維拉少讓可捧

另一場英超賽事，阿士東維拉對熱刺，要再追強勢球隊維拉。維拉是今季英超盤王，作客車路士也可以保不敗身，雖然前鋒勞基摩亞因傷長唞，但安祖、艾邦拉荷都有入球能力，巴路士經過國家隊賽事，狀態都可以谷起。熱刺人腳本來不差，惟經常顯示信心不足問題；門將羅賓遜周中先輸個「肉酸波」，令英格蘭淨吞兩蛋，更被英國傳媒視為笑柄，短期內信心未必回復。
立博今次開出維拉主場只少讓平/半低水，其實是有點引上盤飛，因為維拉至今不敗，博上盤等於「半個盤博一個盤」，仍是以維拉值得秤高。
謝利
立博亞洲區首席博彩顧問
電郵：[email protected]